Dráttarbílar Vélaleiga var stofnað 1978 og hefur síðan þá sinnt verktakastarfsemi, þungaflutningum, jarðvinnu og efnissölu. Árið 1983 kemur Marinó Pálmason, núverandi eigandi inn í félagið og hefur stýrt verklega þætti félagsins að fullu síðan 2013. Mikil reynsla er því innan veggja fyrirtækisins.

Í dag sinnir félagið allri almennri jarðvinnu og þungaflutningum s.s. jarðvegsskiptum, fleygun, völtun, niðurrif húsa og snjómokstri. Einnig getur félagið útvegað efni til flestra framkvæmda s.s. mold, sand, möl og grjót. Síðastliðin 20 ár hafa starfað hjá félaginu ca. 10 manns í föstu starfi en tveir elstu starfsmennirnir hafa starfað hjá félaginu í rúm 30 ár. Dráttarbílar ehf., er traust fyrirtæki sem í áraraðir hefur lagt metnað sinn í vel unnin og vönduð verk fyrir viðskiptavini sína og með því getið sér gott orð.